1ܒܵܬ݇ܪ ܐܲܢܹܐ ܫܡܸܥܠܝܼ ܐܲܝܟܼ ܩܵܠܵܐ ܓܘܼܪܵܐ ܕܟܸܢܫܵܐ ܪܵܒܵܐ ܒܫܡܲܝܵܐ؛ ܒܹܐܡܵܪܵܐ؛ ܗܲܠܹܠܘܼܝܵܐ؛ ܦܘܼܪܩܵܢܵܐ؛ ܘܚܲܝܠܵܐ؛ ܘܬܸܫܒܘܿܚܬܵܐ؛ ܠܡܵܪܝܵܐ ܐܲܠܵܗܵܐ ܕܝܼܲܢ؛ 2ܣܵܒܵܒ ܕܫܲܪܝܼܪܹ̈ܐ ܝܢܵܐ ܘܟܹܐܢܹ̈ܐ ܕܝܼܘܵܢܹ̈ܐ ܕܝܼܹܗ؛ ܣܵܒܵܒ ܕܕܸܢܹܐ ܠܗ̇ܝ ܙܵܢܝܼܬܵܐ ܓܘܼܪܬܵܐ؛ ܗ̇ܝ ܕܡܘܼܚܪܸܒܼܠܵܐ ܠܐܲܪܥܵܐ ܒܙܵܢܝܘܼܬܘܼܗ̇؛ ܘܫܩܸܠܹܗ ܠܬܘܼܥܠܵܐ ܕܕܸܡܵܐ ܕܪܹ̈ܓܵܘܵܬܘܼܗܝ ܡ̣ܢ ܐܝܼܕܘܼܗ̇. 3ܘܓܵܗܵܐ ܕܬܲܪ̈ܬܹܝ ܐَܡܸܪܘܿܢ؛ ܗܲܠܸܠܘܼܝܵܐ. ܘܬܸܢܘܼܗ̇ ܒܹܐܣܵܩܵܐ ܗ݇ܘܵܐ ܠܥܵܠܲܡ ܥܵܠܡܝܼܢ. 4ܘܢܦܸܠܘܿܢ ܐܲܢܹܐ ܥܸܣܪܝܼ ܘܐܲܪܒܥܵܐ ܚܘܵܪ̈ܕܸܩܢܹܐ؛ ܘܐܵܢܝܼ ܐܲܪܒܲܥ ܚܲܝܘ̈ܵܬܵܐ؛ ܘܣܓܸܕܠܘܿܢ ܠܐܲܠܵܗܵܐ؛ ܗ̇ܘ ܕܝܼܠܹܗ ܝܬܝܼܒܼܵܐ ܥܲܠ ܬܪܘܿܢܘܿܣ؛ ܟܲܕ ܒܹܐܡܵܪܵܐ؛ ܐܵܡܹܝܢ؛ ܗܲܠܸܠܘܼܝܵܐ. 5ܘܩܵܠܵܐ ܦܠܸܛܠܹܗ ܡ̣ܢ ܬܪܘܿܢܘܿܣ؛ ܒܹܐܡܵܪܵܐ؛ ܫܵܒܚܘܿܢ ܠܐܲܠܵܗܵܐ ܕܝܼܲܢ؛ ܟܠܵܝܗܝ ܪܹ̈ܓܵܘܵܬܘܼܗܝ؛ ܘܐܵܢܝܼ ܕܙܵܕܥܝܼ ܡܸܢܹܗ؛ ܙܥܘܿܪܹ̈ܐ ܘܓܘܼܪܹ̈ܐ. 6ܘܫܡܸܥܠܝܼ ܐܲܝܟܼ ܩܵܠܵܐ ܕܟܸܢܫܵܐ ܪܵܒܵܐ؛ ܘܐܲܝܟܼ ܩܵܠܵܐ ܕܡ̈ܝܼܵܐ ܪܵܒܵܐ؛ ܘܐܲܝܟܼ ܩܵܠܵܐ ܕܪ̈ܲܥܡܹܐ ܚܲܝܠܵܢܹ̈ܐ؛ ܒܹܐܡܵܪܵܐ؛ ܗܲܠܸܠܘܼܝܵܐ؛ ܣܵܒܵܒ ܕܥܒܼܸܕܠܹܗ ܡܲܠܟܘܼܬܵܐ ܡܵܪܝܵܐ ܐܲܠܵܗܵܐ ܕܝܼܲܢ؛ ܐܲܚܝܼܕ ܟܠ. 7ܚܵܕܵܚ؛ ܘܦܵܨܚܵܚ؛ ܘܝܵܗ݇ܒܼܵܚ ܬܸܫܒܘܿܚܬܵܐ ܐܸܠܹܗ؛ ܣܵܒܵܒ ܕܐَܬܹܐܠܹܗ ܚܠܘܼܠܵܐ ܕܦܹܪܵܐ؛ ܘܒܲܟܼܬܹܗ ܗܘܼܕܸܪܬܵܐ ܝَܠܵܗ̇ ܓܵܢܘܼܗ̇. 8ܘܦܸܫܠܹܗ ܝܘܼܗ݇ܒܼܵܐ ܐܸܠܵܗ̇ ܕܦܵܝܫܵܐ ܡܘܼܠܒܸܫܬܵܐ ܟܸܬܵܢ ܢܵܙܸܟ؛ ܘܡܲܒܪܸܩܵܢܵܐ ܘܕܸܟܼܝܵܐ؛ ܣܵܒܵܒ ܕܗ̇ܘ ܟܸܬܵܢ ܢܵܙܸܟ ܙܲܕܝܼܩܘܼ̈ܝܵܬܵܐ ܕܩܲܕܝܼܫܹ̈ܐ ܝܠܹܗ. 9ܘܐَܡܝܼܪܹܗ ܐܸܠܝܼ؛ ܟܬܘܿܒܼ؛ ܛܘܼܒܼܵܢܹ̈ܐ ܝܢܵܐ ܐܵܢܝܼ ܕܠܐَܟܼܵܠَܪܲܡܫܵܐ ܕܚܠܘܼܠܹܗ ܕܦܹܪܵܐ ܩܸܪܝܹܐ ܝܢܵܐ. ܘܐَܡܝܼܪܹܗ ܐܸܠܝܼ؛ ܐܲܢܹܐ ܗܹܡܸܙܡܵܢܹ̈ܐ ܫܲܪܝܼܪܹ̈ܐ ܕܐܲܠܵܗܵܐ ܝܢܵܐ. 10ܘܢܦܸܠܝܼ ܩܵܕ݇ܡ ܐܲܩܠܘܼ̈ܗܝ ܠܸܣܓܼܵܕܵܐ ܐܸܠܹܗ؛ ܘܐَܡܝܼܪܹܗ ܐܸܠܝܼ؛ ܚܙܝܼ؛ ܠܵܐ. ܚܲܒܼܪܘܼܟܼ ܒܚܸܠܡܲܬ ܝܼܘܸܢ؛ ܘܕܐܵܚܘܿܢܘܵܬܹܐ ܕܝܼܘܼܟܼ؛ ܐܵܢܝܼ ܕܐܝܼܬ ܠܗ݇ܘܿܢ ܣܵܗܕܘܼܬܵܐ ܕܝܼܫܘܿܥ؛ ܠܐܲܠܵܗܵܐ ܣܓܼܘܿܕܘܿܢ. ܣܵܒܵܒ ܣܵܗܕܘܼܬܵܐ ܕܝܼܫܘܿܥ ܝܼܠܵܗ̇ ܪܘܼܚܵܐ ܕܢܒܼܝܼܘܼܬܵܐ. 11ܘܚܙܹܠܝܼ ܠܫܡܲܝܵܐ ܕܦܬܝܼܚܬܵܐ؛ ܘܗܵܐ؛ ܣܘܼܣܹܐ ܚܘܵܪܵܐ؛ ܘܗ̇ܘ ܕܝܼܗ݇ܘܵܐ ܝܬܝܼܒܼܵܐ ܥܲܠܘܼܗܝ ܦܵܝܸܫ ܗ݇ܘܵܐ ܩܸܪܝܵܐ ܡܗܘܼܡܢܵܐ ܘܫܲܪܝܼܪܵܐ؛ ܘܒܙܲܕܝܼܩܘܼܬܵܐ ܟܹܐ ܕܵܝܸܢ ܘܟܹܐ ܥܵܒܼܸܕ ܦܠܵܫܵܐ. 12ܘܥܲܝܢܘܼ̈ܗܝ ܐܲܝܟܼ ܠܵܗܵܐ ܕܢܘܼܪܵܐ؛ ܘܥܲܠ ܪܹܫܹܗ ܬܵܐܓ̰ܹ̈ܐ ܣܲܓܝܼ̈ܐܹܐ؛ ܘܐܝܼܬ ܠܹܗ ܫܸܡܵܐ ܕܝܼܠܹܗ ܟܬܝܼܒܼܵܐ؛ ܠܗ̇ܘ ܕܐ݇ܢܵܫܵܐ ܠܹܐ ܝܲܕܸܥ ܫܒܼܘܿܩ ܡ̣ܢ ܓܵܢܹܗ. 13ܘܠܒܼܝܼܫܵܐ ܓ̰ܘܼܠܵܐ ܕܓܒܼܝܼܠܵܐ ܒܕܸܡܵܐ؛ ܘܦܝܵܫܵܐ ܝܠܹܗ ܫܸܡܹܗ ܡܸܠܬܵܐ ܕܐܲܠܵܗܵܐ. 14ܘܥܲܣܟܵܪ̈ܘܵܬܹܐ ܕܒܫܡܲܝܵܐ ܐܙܸܠܘܿܢ ܒܵܬ݇ܪܹܗ ܥܲܠ ܣܘܼܣܵܘܵܬܹ̈ܐ ܚܘܵܪܹ̈ܐ؛ ܠܒܼܝܼܫܹܐ ܠܒܼܸܫܬܵܐ ܕܟܸܬܵܢ ܢܵܙܸܟ؛ ܕܸܟܼܝܵܐ ܚܘܵܪܵܐ. 15ܘܡ̣ܢ ܦܘܼܡܹܗ ܝܠܹܗ ܣܲܝܦܵܐ ܚܵܪܝܼܦܵܐ؛ ܕܒܝܼܹܗ ܡܵܚܹܐ ܠܛܵܝܸܦܹ̈ܐ. ܘܗ̇ܘ ܒܸܬ ܡܲܪܥܹܐ ܠܗ݇ܘܿܢ ܒܚܘܼܛܪܵܐ ܕܦܪܸܙܠܵܐ. ܗ̇ܘ ܒܸܬ ܡܵܪܸܥܟ̃ ܡܲܥܨܲܪܬܵܐ ܕܚܲܡܪܵܐ ܕܚܸܡܬܵܐ ܕܟܲܪܒܹܗ ܕܐܲܠܵܗܵܐ ܐܲܚܝܼܕ ܟܠ. 16ܘܐܝܼܬ ܠܹܗ ܥܲܠ ܓ̰ܘܼܠܵܐ ܘܥܲܠ ܥܸܛܡܵܐ ܕܝܼܹܗ ܫܸܡܵܐ ܕܝܼܠܹܗ ܟܬܝܼܒܼܵܐ؛ ܡܲܠܟܵܐ ܕܡܲܠܟܹ̈ܐ؛ ܘܡܵܪܵܐ ܕܡܵܪ̈ܵܘܵܬܹܐ. 17ܘܚܙܹܠܝܼ ܚܲܕَ ܡܲܠܲܐܟܼܵܐ ܟܲܕ ܟܸܠܝܵܐ ܒܫܸܡܫܵܐ؛ ܘܩܘܼܘܸܚܠܹܗ ܒܩܵܠܵܐ ܓܘܼܪܵܐ ܟܲܕ ܒܹܐܡܵܪܵܐ ܠܟܠܵܝܗܝ ܛܲܝܪܹ̈ܐ ܕܒܸܦܪܵܚܵܐ ܝܢܵܐ ܒܒܹܝܦܲܠܓܵܐ ܕܫܡܲܝܵܐ؛ ܬܹܡܘܿܢ ܓ̰ܡܸܥܡܘܿܢ ܠܡܸܫܬܘܼܬܵܐ ܓܘܼܪܬܵܐ ܕܐܲܠܵܗܵܐ؛ 18ܕܐܵܟܼܠܝܼܬܘܿܢ ܒܸܣܪܵܐ ܕܡܲܠܟܹ̈ܐ؛ ܘܒܸܣܪܵܐ ܕܪܹ̈ܫܵܢܹܐ ܕܐܲܠܦܹ̈ܐ؛ ܘܒܸܣܪܵܐ ܕܚܲܝܠܵܢܹ̈ܐ؛ ܘܒܸܣܪܵܐ ܕܣܘܼܣܵܘܵܬܹ̈ܐ؛ ܘܕܵܐܢܝܼ ܕܝܼܢܵܐ ܝܬܝܼܒܼܹܐ ܥܲܠܵܝܗܝ؛ ܘܒܸܣܪܵܐ ܕܟܠܵܝܗܝ؛ ܐܵܙܵܕܹ̈ܐ ܘܩܘܼܠܹ̈ܐ؛ ܘܙܥܘܿܪܹ̈ܐ ܘܓܘܼܪܹ̈ܐ. 19ܘܚܙܹܠܝܼ ܠܕܵܒܼܵܐ؛ ܘܠܡܲܠܟܹ̈ܐ ܕܐܲܪܥܵܐ؛ ܘܠܥܲܣܟܵܪ̈ܘܵܬܹܐ ܕܝܼܵܝ؛ ܕܝܼܗ݇ܘܵܘ ܓ̰ܸܡܥܝܹܐ ܠܸܥܒܼܵܕܵܐ ܦܠܵܫܵܐ ܥܲܡ ܗ̇ܘ ܕܝܼܠܹܗ ܪܟܝܼܒܼܵܐ ܥܲܠ ܣܘܼܣܹܐ؛ ܘܥܲܡ ܥܲܣܟܵܪ̈ܘܵܬܘܼܗܝ. 20ܘܦܸܫܠܹܗ ܨܝܼܕܵܐ ܕܵܒܵܐ؛ ܘܢܒܼܝܼܵܐ ܕܵܓܵܠܵܐ ܥܲܡܹܗ؛ ܗ̇ܘ ܕܥܒܼܸܕܠܹܗ ܐܲܢܹܐ ܢܝܼܫܲܢܩܹ̈ܐ ܩܵܕ݇ܡܘܼܗܝ؛ ܕܒܝܼܵܝܗܝ ܡܘܼܚܠܸܛܠܹܐ ܠܐܲܢܹܐ ܕܫܩܸܠܘܿܢ ܪܘܼܫܡܵܐ ܕܕܵܒܵܐ؛ ܘܠܐܲܢܹܐ ܕܣܓܸܕܠܘܿܢ ܠܨܠܡܹܗ؛ ܘܟܲܕ ܚܲܝܹܐ ܦܸܫܠܗَܘܿܢ ܕܸܪܝܹܐ ܬܸܪ̈ܘܵܝܗܝ ܓܵܘ ܝܵܡܵܐ ܕܢܘܼܪܵܐ؛ ܗ̇ܝ ܕܝܼܠܵܗ̇ ܒܸܩܝܵܕܵܐ ܒܟܸܒܪܝܼܬ. 21ܘܐܵܢܝܼ ܐܚܹܪ̈݇ܢܹܐ ܦܸܫܠܗَܘܿܢ ܩܛܝܼܠܹܐ ܒܣܲܝܦܵܐ ܕܗ̇ܘ ܕܝܼܗ݇ܘܵܐ ܪܟܝܼܒܼܵܐ ܥܲܠ ܣܘܼܣܹܐ؛ ܕܒܸܦܠܵܛܵܐ ܝܠܹܗ ܡ̣ܢ ܦܘܼܡܹܗ؛ ܘܟܠܵܝܗܝ ܛܲܝܪܹ̈ܐ ܣܒܸܥܠܘܿܢ ܡ̣ܢ ܒܸܣܪܵܝ.